Արցախի նախագահ Արայիկ Հարութունեանը անընդունելի կը համարէ Արցախի կարգավիճակի վերաբերեալ Ատրպէյճանի առաջարկները։

«Մենք կը հասկնանք, որ պէտք է ապրինք հարեւանութեամբ, բայց ենթակայութիւնը հնարաւոր չէ, այդ անթոյլատրելի է։ Տարբերակով, որ մենք պէտք է առաջնորդուինք՝ ստատուս քվոն պահպանելն է, ինչպէս ռուսերը կ՛ըսեն։ Ռուս խաղաղապահ ուժերը կը շարունակեն մնալ այստեղ անժամկէտ, քանի որ եկած են այստեղ որպէս Արցախի մէջ ապրող հայ բնակչութեան անվտանգութեան երաշխաւոր»,– Մարտակերտի մէջ շրջանի վարչակազմի պատասխանատուներու, համայնքներու ղեկավարներու եւ բնակչութեան  ներկայացուցիչներու հետ հանդիպման ժամանակ ըսած է ան։

«Շարունակել ապրիլ այստեղ՝ ունենալով դէ ֆակտօ անկախութիւն, ձգտելով դէ իւրէ յետագայ փոփոխութեան, այդ կարող է  անկախութիւն ըլլայ, կարող է Հայաստանի հետ միացում, որը քիչ հաւանական կը համարեմ, բայց այդ կարող է ըլլալ նաեւ Ռուսաստանի հետ ինչ–որ յարաբերութիւններ ուղղակի ուղղահայացի շրջանակներուն»: