ԱՄՆ Պետդեպարտամենտի խօսնակ Նետ Փրայսը՝ պատասխանելով լրագրողներու հարցին, ճեպազրոյցի ընթացքին յայտարարեց. «Մենք կը շարունակենք հաւատարիմ մնալ Հարաւային Կովկասի տարածաշրջանին մէջ խաղաղ, ժողովրդավարական եւ բարգավաճ ապագայի խթանման մեր յանձնառութեանը եւ ինչպէս գիտեք, պետքարտուղար Պլինքենի հաղորդագրութիւններէն՝ մենք ողջունած ենք Հայաստանի վարչապետ Փաշինեանի եւ Ատրպէյճանի նախագահ Ալիեւի հանդիպումը Ապրիլի 6-ին Պրիւսելի մէջ՝ ներառեալ դրական առաջընթացը խաղաղ բանակցութիւններ նախապատրաստելու եւ սահմանազատելու հարցերով երկկողմ յանձնաժողով ստեղծելու հարցերուն: Պետքարտուղարը վերահաստատած է, որ Միացեալ Նահանգները պատրաստ է ներգրաւել բանակցութիւններուն երկկողմ ձեւաչափով եւ համախոհ գործընկերներու հետ, այդ թիւին՝ ԵԱՀԿ Մինսքի խումբի համանախագահի դերին՝ օգնելու երկիրներուն երկարաժամկէտ եւ համապարփակ խաղաղութեան հասնելու հարցով», – ըսած է Պետքարտուղարութեան ներկայացուցիչը:

Ի պատասխան այս յայտարարութեան՝ Արեւմտեան Հայաստանի նախագահ Արմենակ Աբրահամեանը կը խնդրէ Նետ Փրայսին հաշուի առնել պարոն Ջոսֆ Պայտենի՝ Հայերու դէմ իրագործուած ցեղասպանութեան ճանաչումը, որը կը ներառէ նաեւ 1920 թուականին Շուշիի մէջ Ատրպէյճանի իշխանութիւններու կողմէ իրականացուած ջարդերը։