ԱՐՑԱԽԻ ՀԱՆՐԱՊԵՏՈՒԹԵԱՆ ԱԶԳԱՅԻՆ ԺՈՂՈՎԻ ՅԱՅՏԱՐԱՐՈՒԹԻՒՆԸ

       Արցախի Հանրապետութեան ներկայիս իրաւա-քաղաքական կարգավիճակը ձեւաւորուած է համաժողովրդական կամքի արտայայտութեամբ՝ երեք հանրաքուէներու, անոնց արդիւնքին ընդունուած Սահմանադրութեան ազդեցութեամբ եւ հայութեան բոլոր հատուածներու միջեւ նախընթաց տարիներուն հաստատուած համազգային համաձայնութեան ճանապարհով։

Արցախահայութիւնը քաջ կը գիտակցի խաղաղութեան գինը: Արցախի պետականութիւնը եւ պատմական հայրենիքի մէջ ազատ ու անկախ ապրելու իրաւունքը բացարձակ արժէքներ են, եւ անոնցմէ նոյնիսկ պատերազմի սպառնալիքը չի կարող մեզ ետ պահէ:

Հայաստան-Ատրպէյճան «խաղաղութեան» օրակարգով՝ Արցախը Ատրպէյճանին բռնակցելու ցանկացած բանակցային գործընթաց ինքնին, ինչպէս նաեւ անկէ բխող փաստաթուղթն ստորագրելը, կը տապալուի ոչ միայն Արցախի պետականութիւնը, այլեւ արցախահայութեան` իր պատմական հայրենիքի մէջ ապրելու անքակտելի իրաւունքը:

Կը պահանջենք, որ Հայաստանի Հանրապետութեան իշխանութիւնները հրաժարուին իրենց ներկայի աղետալի դիրքորոշումէն եւ առաջնորդուին բացառապէս այս արժէքներով: Ոչ մէկ իշխանութիւն իրաւունք չունի  «խաղաղութեան» պատրուակով  Արցախի համար անընդունելի կարգավիճակի, ինչպէս նաեւ՝ միջազգայնօրէն ճանաչուած ինքնորոշման իրաւունքի բանակցային նշաձողն իջեցնելու:

Արցախահայութեան անունով կը դիմենք 

  • Աշխարհասփիւռ հայութեանը` այս արդար պայքարին միասնաբար եւ վճռականօրէն  կանգնիլ Հայաստանի եւ Արցախի եղբայրներու եւ քոյրերու կողքին:
  • Հայաստանի Հանրապետութեան Ազգային ժողովի մեր գործընկերներուն՝ չշեղուիլ ՀՀ Գերագոյն խորհուրդի 1992թ․ Յուլիսի 8-ի որոշման ուղեգծէն։
  • Ռուսաստանի Դաշնութեան ղեկավարութեան` մեզի համար խիստ կարեւոր խաղաղապահ առաքելութեան ընթացքին  առիթ չի տալ որեւէ մէկին շահարկել ծագող խնդիրները, որպէս Արցախի ժողովուրդի յետագայ անվտանգութիւնը հարցականի դնելու հիմք:
  •  ԵԱՀԿ Մինսքի խումբի համանախագահ երկիրներու ղեկավարներուն` անկախ առկայ այլ տարաձայնութիւններէն՝ ջանքեր գործադրել պահպանելու Արցախի հիմնախնդիրն կարգաւորելու միակ միջազգային մանդատ ունեցող ձեւաչափը։

                                                                                                 Ստեփանակերտ

                                                                                                   14․ 04․ 2022