Ապրիլի 24-ին կը լրանայ մարդկութեան դէմ պատմութեան ամենասարսափելի յանցագործութիւններէն մէկի 107-րդ տարելիցը։ Աշխարհի բազմաթիւ քաղաքակիրթ երկիրներու տարբեր մայրաքաղաքներուն մէջ Թուրքիոյ դեսպանութիւններու առջեւ տեղւ կ՛ունենան պիկետներ եւ ցոյցեր՝ պահանջելով, որ Թուրքիան ճանաչի իր արիւնալի պատմութիւնը, դատապարտուի իր նախնիներու կատարած յանցագործութիւններու եւ պատասխանատուութեան ենթարկուի միջազգային իրաւունքի համաձայն՝ անոնց կատարած յանցագործութիւններու համար։

Վրաստանի մայրաքաղաքին մէջ նման միջոցառումներ տեղի կ՛ունենայ 2005 թուականէն, եւ իւրաքանչիւր Ապրիլի 24-ին տեղի  կ՛ունենայ հանրահաւաք Թուրքիոյ դեսպանութեան դիմաց: Ապրիլի 24-ին Վրաստանի հայ համայնքի անդամները ծրագրուած երթ կը կազմակերպեն։ Իսկ տարիներ շարունակ աւանդոյթ դարձած ջահերով երթի երթուղին կը փոխուի եւ վերջնական կէտը կ՛ըլլայ հայերու հանդէպ կատարուած ցեղասպանութեան նուիրուած Թիպլիսի մէջ գտնուող յուշարձան-խաչքարը։