Արցախի Հանրապետութեան նախագահ Արայիկ Հարութունեանն ընդունած է Արցախի պետական համալսարանի գիտական խորհուրդի անդամներուն: Քննարկած են տարածաշրջանին առնչուող հիմնախնդիրները՝ վերջին աշխարհաքաղաքական իրադարձութիւններու համատեքստին: Նախագահ Հարութունեանը, ներկայացնելով Արցախի առջեւ ծառացած մարտահրաւերները, խօսած է ձեռնարկուող քայլերէն:

«Արցախը կը շարունակէ պայքարն իր ինքնորոշման իրաւունքի իրացման համար՝ չընդհատելով անկախ պետականաշինութեան գործընթացը»,- նշած է Արցախի նախագահը:

Քննարկած են նաեւ ստեղծուած պայմաններով Արցախի սոցիալ-տնտեսական զարգացման, ժողովրդագրական վիճակի բարելաւման, գիտակրթական ոլորտին եւ հանրային կեանքին եղած խնդիրներուն առնչուող հարցեր: