Տեղի ունեցած է Յունաստանի մէջ Հայաստանի Հանրապետութեան արտակարգ եւ լիազօր դեսպան Տիգրան Մկրտչեանի այցը Յունաստանի Կալամատայ քաղաք:

Միջոցառման ողջոյնի խօսքով հանդէս եկած է Կալամատայի քաղաքապետ Աթանասխօս Վասիլոպուլոսը: Իր խօսքին մէջ ան նշած է, որ 107 տարի առաջ  հայերու դէմ իրագործուած ցեղասպանութիւնը կը շարունակէ մնալ միջազգային հանրութեան ուշադրութեան կենտրոնին՝ ընդգծելով անմեղ զոհերու յիշատակման եւ ոգեկոչման կարեւորութիւնը:  Հանդէս եկած է նաեւ Յունաստանի հայոց թեմի առաջնորդ` գերաշնորհ Տէր Գեղամ Արքեպիսկոպոս Խաչերեանն ընդգծելով, որ 107 տարի առաջ տեղի ունեցած ցեղասպանութեան յաջորդած է Պոնտոսի յոյներու եւ ասորիներու ցեղասպանութիւնները։

Յունաստանի խորհրդարանի պատգամաւոր Պերիկլիս Մանտասն իր ողջոյնի խօսքին մէջ նշած է, որ Յունաստանի խորհրդարանը պիտի շարունակէ պահանջել միջազգային հանրութենէն ճանաչելու հայերու ցեղասպանութիւնը, որպէսզի այլեւս մարդկութիւնը չ՛ապրի նման ոճրագործութիւններու հետ:

Սակայն Արեւմտեան Հայաստանը շատ լաւ գիտէ, որ ոչ թէ ճանաչումը պիտի կանխէ ցեղասպանութիւնը, այլ հատուցումը։