Մահէն  առաջ Այվազովսկին աւարտած է «Ծովածոց» նկարը, իսկ մահուան օրը սկսած է նկարել «Թուրքական նաւի պայթեցումը» կտաւը, որը մնաց անաւարտ։ Թեոդոսիայի Ի.Կ.Այվազովսկիի անուան պատկերասրահի կայքէջին այսպէս նկարագրուած է հանճարեղ նկարիչի կեանքի վերջին օրը. 1900 թուականի Ապրիլի 19-ի (Մայիսի 2-ի) առաւօտ նկարիչը թեոդոսիական իր արուեստանոցին մէջ սովորականի պէս տեղաւորուեցաւ նկարակալի առաջ, ոչ մեծ ենթաշրջանակին քաշեց մաքուր կտաւը՝ պատրաստուելով իրագործել իր վաղեմի ցանկութիւնը՝ մէկ անգամ եւս պատկերել թուրքերու դէմ յոյն աշխարհազօրայիններու մղած ազատագրական պայքարի հերոսական դրուագներէն։