Միացեալ Նահանգներու նախագահ Ճօ Պայտենը Ապրիլի 24-ին հանդէս եկած է հայերու ցեղասպանութեան 107-րդ ոգեկոչման արարողութեան նուիրուած ուղերձով՝ վերահաստատելով ամերիկեան կողմի յանձնառութիւնը զգօն ըլլալ ընդդէմ ատելութեան կործանարար ազդեցութիւններու եւ կառուցել աւելի խաղաղ աշխարհ։

Իր ուղերձին մէջ Պայտենը մասնաւորապէս ըսած է.

«1915 թուականի Ապրիլի 24-ին օսմանեան իշխանութիւնները Կոստանդնուպոլիսի մէջ ձերբակալած են հայ մտաւորականներուն եւ համայնքի առաջնորդներուն։ Այդպիսով սկսած է հայերու ցեղասպանութիւնը՝ 20-րդ դարի վատագոյն զանգուածային կոտորածներէն մէկը։ Այսօր մենք կը յիշենք մէկ ու կէս միլիոն հայերուն, ովքեր տեղահանուեցան, սպաննուեցան կամ մահուան երթի դուրս եկան ոչնչացման արշաւի ընթացքին, եւ կը սգինք այդքան շատ կեանքերու ողբերգական կորուստը»։