Արցախի Հանրապետութեան մարդու իրաւունքներու պաշտպան Գեղամ Ստեփանեանն ուղերձ հղած է Հայերու ցեղասպանութեան 107-րդ ոգեկոչման արարողութեան կապակցութեամբ:

Կը ներկայացնենք ԱՀ մարդու իրաւունքներու պաշտպանի ուղերձէն հատուած մը.

«Հայերու ցեղասպանութիւնը պատմական որոշակի ժամանակահատուածին մէկ դրուագով իրականացուած մարդկութեան դէմ ուղղուած յանցագործութիւն չէ, այն թուրք-ատրպէյճանական տանդեմի մշտական նպատակն է, որն արտայայտուած է 19-րդ դարի վերջն եւ 20-րդ դարի սկիզբն Արեւմտեան Հայաստանի մէջ, 20-րդ դարի վերջն Խորհրդային Ատրպէյճանի տարբեր բնակավայրերուն եւ Արցախի մէջ, 2020 թուականի աշնանն Արցախի մէջ։

Ժխտողականութիւնը, տարբեր երկիրներու, միջազգային կառոյցներու պատասխանատուներու անհամարձակութիւնն ու քաղաքական-տնտեսական շահերով պայմանաւորուած անտարբերութիւնն  կանաչ լոյս է Թուրքիոյ եւ Ատրպէյճանի համար՝ իրենց յանցաւոր նպատակները շարունակաբար կեանքի կոչելու։Իսկ հայերուս համար ցեղասպանութեան ճանաչումն ու դատապարտումը աւելի քան մէկ դար ետք ալ կը մնայ արդարութեան վերականգնման մշտական ձգտումի վկայութիւն, որը զիջելու ենթակայ չէ»։