Ջազի միջազգային օրը՝ Ապրիլի 30-ին, Հայաստան կը ժամանեն միջազգային յայտնի եւ սիրուած ջազմեններ:

Ջազի հայկական ասոցիացիայի հիմնադիր-նախագահ Կամօ Մովսէսեանն ըսաւ. «Ինչքան ջազ երաժիշտներ կան, մենք փորձած ենք ներգրաւել այդ միջոցառման: Հիւրեր ունինք նաեւ Ռուսաստանէն, Ֆրանսիայէն եւԱՄՆ-էն»:

Հարցին՝ ինչո՞ւ ջազին այսքան մեծ կարեւորութիւն կուտանք, երբ օրինակ հայկական ազգային երաժշտութեան օր չունինք, մինչդեռ ջազը ամեն տարի այսպիսի մեծ շուքով կը նշուի,  ան  այսպէս պատասխանեց. «Ջազի հետ կապուած մենք ունինք շատ խորը արմատներ: Այն ի յայտ եկած է վաղուց: 1938թ. մենք արդեն պաշտօնապէս ունեցած ենք ջազ նուագախումբ՝ իր աւանդոյթներով եւ իր երաժիշտներով, որոնք յայտնի եղած են ոչ միայն Հայաստանի մէջ, այլեւ ամբողջ աշխարհին: Հայկական ջազը իր հայկական ֆոլկլորային տարրերով այսօր աշխարհին բաւական ճանաչուած է»: