Արեւմտեան Հայաստանի Մարաշ նահանգի Աֆշին գաւառին մէջ չորս տարբեր կէտերուն մէջ օդի որակի ստուգումներու արդիւնքի համաձայն՝ ածուխով աշխատող ՋԷԿ-երու պատճառով տարածաշրջանի օդի աղտոտուածութիւնը մարդկանց առողջութեան համար դարձած է խիստ վտանգաւոր։

Առողջապահութեան համաշխարհային կազմակերպութեան (ԱՀԿ) կողմէ առաջարկուած  ցուցանիշներէն 10 անգամ աւելի բարձր ցուցանիշներ գրանցուած են, իսկ ամենավտանգաւոր կազերէն մէկի՝ ծծումբի երկօքսիտի քանակը 3 անգամ աւելցած է օրէնքով թոյլատրուած նորմայէն։

Greenpeace-ի՝ Միջերկրածովեան կլիմայի եւ էներգետիկայի նախագիծի պատասխանատուն ընդգծած է, որ այս չափումները մէկ անգամ եւս ցոյց  տուած են, որ ածուխով աշխատող ջերմաէլեկտրակայանները  լուրջ խոչընդոտ կը հանդիսանան առողջ ապրելակերպի համար։

Այս փաստը եւս կը վկայէ, որ բռնազաւթուած Արեւմտէան Հայաստանի մէջ, ի թիւս այլ յանցագործութիւններու, կը շարունակուի նաեւ շրջակայ միջավայրի սպանդը, որու դէմ Արեւմտեան Հայաստանի կառավարութիւնը բազմիցս արտայայտած է իր կոշտ դիրքորոշումը: