«Հայաստանը մերժած է տարբեր մակարդակներով եռակողմ բանակցութիւններ վարելու  քանի մը առաջարկներ»,- ըսած է Ալիեւը։

«Մեր գործընկերները տեղեակ են այս մասին։ Հրաժարուելու պատճառներէն ոչ մէկ տեղեակ չէ, այս մոտեցումը կը համարեմ չափազանց անարդիւնավետ։ Եթէ մենք նայինք տարածաշրջանի ապագային, ապա Հայաստանի քաղաքականութիւնը ոչ մէկ տրամաբանութեան չի ենթարկուիր տարածաշրջանային անվտանգութեան, Հարաւային Կովկասի մէջ համագործակցութեան եւ զարգացման շրջանակներուն։ Հայաստանը պէտք է յարաբերութիւններ հաստատէ Ատրպէյճանի եւ Թուրքիոյ հետ, ընդ որին՝ հրաժարուելով Ատրպէյճանի եւ Թուրքիոյ հանդէպ տարածքային պահանջներէն»,- ըսած է Ալիեւը՝ ելոյթ ունենալով «Հարաւային Կովկաս. զարգացում եւ համագործակցութիւն» միջազգային համաժողովին։ Յատկապէս ուշագրաւ է, որ համաժողովը տեղի  կ՛ունենայ բռնազաւթուած հայկական Շուշի քաղաքին մէջ։