2022 թուականի Ապրիլի 27-ին ատրպէյճանական իշխանամերձ լրատուական գործակալութիւնները «Հադրութի մէջ նշած են Զատիկը» վերնագիրով նիւթեր տարածած են՝ հրապարակելով նաեւ Հադրութ քաղաքի հայկական Սուրբ Հարութիւն եկեղեցիի նոր լուսանկարներ։ Լուսանկարներու ուսումնասիրութիւնը հստակ ցոյց կու տայ, որ եկեղեցիի խաչը հանած են։

Այս ամենը Ատրպէյճանի կողմէ ծրագրուած քաղաքականութեան արդիւնք է, այդ մասին կը վկայեն մասնաւորապէս այդ երկրի բարձրաստիճան պաշտօնեաներու յայտարարութիւնները։

Աւելի վաղ Ատրպէյճանի նախագահ Իլհամ Ալիեւը Հադրութի շրջանին մէջ գտնուող Սուրբ Աստուածածին եկեղեցի այցի ընթացքին հորդորած էր ջնջել հայկական արձանագրութիւնները՝ չթաքցնելով հայկական մշակութային ժառանգութեան դէմ Ատրպէյճանի որդեգրած քաղաքականութեան  էութիւնը։

Սուրբ Հարութիւն եկեղեցին կառուցուած է 1621թ.։ Այն  յետագային վերանորոգուած է 1819 թուականին, եւ այդ ժամանակ  տեղադրուած է եկեղեցիի գմբեթը։