Արցախի Հանրապետութեան պետական նախարարն յայտարարած է. «Արցախը երբեք որեւէ կերպ չի կարող ըլլալ Ատրպէյճանի կազմին: Մենք բոլորս պատրաստ ենք ցանկացած զրկանքներու եւ մարտահրաւերներու, սակայն մեր ընտրած ճանապարհէն երբեք չենք շեղուիր: Իսկ հայութեան մէջ ով այլ կարծիք ունի, պարտաւոր է պարզապէս յարգել արցախահայութեան կամքն ու իրաւունքը որոշելու սեփական ճակատագիրն իր սեփական հայրենիքին մէջ: Արցախի բնիկ ժողովուրդի ինքնորոշման իրաւունքը գերակայ է միջազգային իրաւունքի բոլոր մնացած նորմերու եւ աշխարհաքաղաքական շահերու հանդէպ: Իսկ Ատրպէյճանի տարածքային ամբողջականութեան սկզբունքը որեւէ առնչութիւն չունի ինքնորոշման իրաւունքի հետ, որն, ի դէպ, ընդունուած է նաեւ ԵԱՀԿ Մինսքի խումբի միջնորդական առաքելութեամբ հաստատուած Մատրիտեան յայտնի սկզբունքներով: Անոր աւելցած է նաեւ ցեղասպանական քաղաքականութեան հետեւանքներու եւ գոյաբանական յետագայ վտանգներու պայմաններով Ատրպէյճանի կազմին ապրելու անհնարինութեան սկզբունքը, որը եւս միջազգային հանրութիւնը պէտք է ճանաչի անվերապահօրէն, ինչպէս կատարած է, օրինակ, Կոսովոյի պարագային»: