Արեւմտեան Հայաստանը (Թուրքահայաստան) իր առաջին ճանաչումը որպէս պետութիւն ստացած է Հայերու դէմ իրագործուած ցեղասպանութենէն ետք՝ 1917 թուականի Դեկտեմբերի 29-ին Ռուսաստանի կողմէ։

1919 թուականի Մայիսի 15-ին կառավարութիւնն կազմաւորուելէ ետք՝ Պողոս Նուպարի նախագահութեամբ, Դաշնակից տերութիւններու Գերագոյն խորհուրդը դէ ֆակտօ ճանաչեց ամբողջական Հայաստանի Հանրապետութիւնը։

1920 թուականի Փետրուարին Լոնտոնի կոնֆերանսի (Սեւրի դաշնագիրի նախապատրաստում) եւ 1920-ի Ապրիլին՝ Սան Ռեմոյի մէջ Սեւրի դաշնագիրն  վերջնական ձեւաւորուելէ ետք, Հայաստանի Հանրապետութիւնը (Արեւմտեան) դէ իւրէ ճանաչում ստացաած էր՝  1920 թ. Օգոստոսի 10-ին Սեւրի դաշնագիրի ստորագրման մասնակցելէ շատ առաջ։ Իսկ ԱՄՆ-ն դէ իւրէ ճանաչած է Հայաստանի Հանրապետութիւնը (Արեւմտեան) 1920 թուականի Մայիսի 11-ին։

Այնուամենայնիւ, շատերը, հաւանաբար չեն գիտեր, որ Արգենտինայի պետութիւնը 1920 թուականի Մայիսի 3-ին Իպոլիտո Իրիգոյենի նախագահութեամբ ճանաչած է Հայաստանի Հանրապետութիւնը (Արեւմտեան) որպէս ազատ եւ անկախ պետութիւն:

Արգենտինայի եւ Հայաստանի (Արեւմտեան) ընդհանուր պատմութեան մէջ Մայիսը  ամիս մըն է, որը ընդմիշտ միաւորած է երկու ազատ պետութիւններուն՝ շնորհիւ արգենտինահայ համայնքի ղեկավարութեան։

1920 թուականի Մայիսի 3-ին նախագահ Իպոլիտո Իրիգոյենը ստորագրեց Արգենտինայի կողմէ Հայաստանի Հանրապետութիւնը ճանաչելու մասին հրամանագիրը, որը հաստատեց կանցլեր Հոնորիօ Պուեյրեդոնը, իսկ 1920 թուականի Մայիսի 28-ին մայրաքաղաքի կենտրոնը տեղի ունեցաւ հանդիսաւոր միջոցառումներ։

Ցեղասպանութիւնը վերապրածներու հազարաւոր ժառանգներու ապաստան հանդիսացող Արգենտինայի Հանրապետութեան կողմէ Հայաստանի Հանրապետութեան (Արեւմտեան) անկախութեան ճանաչման 102-րդ տարեդարձի կապակցութեամբ  Արեւմտեան Հայաստանի Հանրապետութեան նախագահ Արմենակ Աբրահամեանը շնորհակալութիւն  յայտնեց եւ շնորհաւորեց նախագահ Ալբերտօ Ֆեռնանտեսին, անոր կառավարութեան, Արգենտինայի Ազգային Կոնգրեսին, Սենատին եւ Պատգամաւորներու պալատին՝ հայ բնակչութեան նկատմամբ դրսեւորած ուշադրութեան համար։ Սկսած 1993 թուականի Մայիսի 5-ի Արգենտինայի Սենատի բանաձեւէն, Արգենտինայի մէջ պաշտօնապէս յարգուած է Արեւմտեան Հայաստանի մէջ իրականացուած ցեղասպանութեան զոհերու յիշատակը:

Leave a Reply