Աշխատանքային այցով ԱՄՆ-ի մէջ գտնուող ԱԳ նախարար Արարատ Միրզոյեանը Մայիսի 2-ին հանդիպում ունեցած է ԱՄՆ պետքարտուղարի քաղաքական հարցերով տեղակալ Վիկտորիա Նուլանտի հետ: Արարատ Միրզոեանն ու Վիկտորիա Նուլանտը փոխանակած են միտքեր տարածաշրջանային անվտանգութեան եւ կայունութեան հարցերու շուրջ։ Քննարկած են Հայաստանի եւ Ատրպէյճանի ղեկավարներու միջեւ Սոչիի եւ Պրիւսելի մէջ ձեռք բերուած պայմանաւորուածութիւններն իրականացնելու ընթացքը։ Անդրադարձած են Արցախի մէջ ստեղծուած իրավիճակին, ինչպէս նաեւ խաղաղութեան համապարփակ համաձայնագիրի շուրջ Հայաստանի եւ Ատրպէյճանի միջեւ բանակցութիւններ սկսելու գործընթացին։ Այս համատեքստին մէջ Հայաստանի արտաքին գերատեսչութեան ղեկավարն յատուկ ընդգծած է ԵԱՀԿ Մինսքի խումբի համանախագահութեան աշխատանքներն վերսկսելու կարեւորութիւնը։ Քննարկած են 44-օրեայ պատերազմի հետեւանքով առաջացած հումանիտար խնդիրները, մասնաւորապէս, հայ ռազմագերիներուն եւ այլ պահուող անձերուն անհապաղ ազատ արձակելու եւ հայրենադարձման, ատրպէյճանական վերահսկողութեան տակ անցած տարածքներուն մէջ հայկական մշակութային եւ կրօնական ժառանգութիւնն պահպանելու հարցերը։ ՀՀ ԱԳ նախարարը ներկայացուցած է Հայաստան-Թուրքիա յարաբերութիւններն կարգաւորելու գործընթացի հետ կապուած վերջին զարգացումները։

Leave a Reply