Ստեփանակերտի մէջ  կը կազմակերպեն փառատօն «Վերածնունդ» խորագիրով: Այս մասին տեղեկացուցած է միջոցառումն համակազմակերպող Արսեն Աբրահամեանը՝ ընդգծելով, որ նպատակը արցախաբնակ երիտասարդութեան համախմբուիլն ու փառատօնի մասնակիցներուն հետաքրքիր ժամանակ կազմակերպելը,  ինչպէս նաեւ ծանօթութիւնը հայկական պատմամշակութային ժառանգութեանն ու ազգագրական աւանդոյթներուն:

«Իսկ ինչո՞ւ  «Վերածնունդ», քանի որ մեր ժողովուրդը, համախմբուելու կարիք ունի։

Մեր հազարամեակներու պատմութիւնը ցոյց տուած է, որ հայ ազգը յաղթանակներ տօնած է, երբ պայքարի դուրս եկած է միահամուռ ուժերով։ Սոցիալ֊քաղաքական վերջին իրադարձութիւններէն ետք եկած է վերածնուելու ժամանակը»,- նշած է ան։Միջոցառման կազմակերպիչներն Արցախի երիտասարդ սերունդի ներկայացուցիչներն են, ովքեր անտարբեր չեն իրենց հայրենիքի եւ ազգի ճակատագիրի նկատմամբ:

Leave a Reply