Սեփական ժողոուրդի ցաւն իր մէջ կրող, արդարութեան պայքարի համար իր կեանքը տուած պոլսահայ լրագրող, «Ակօս» թերթի երջանկայիշատակ գլխաւոր խմբագիր Հրանդ Տինքի կեանքն ու գործունէութիւնը կը ներկայացուի Հայաստանի մէջ:

Հրանդ Տինքի սպաննութեան 15-րդ տարելիցին անոր կեանքն ու պայքարը ներկայացնող ցուցահանդէսը կ՛ըսկսի իր ուղեւորութիւնը Երեւանէն: «Հրանդ Տինք» հիմնարկի նախաձեռնութեամբ «Նորարար փորձառական արուեստի կենտրոն»-ին մէջ Մայիսի 7-էն իր դուռերը կը բանայ «Հրանդ Տինք․ հոս եւ հիմայ» խորագիրը կրող ցուցահանդէսը:

«Հրանդ Տինք» հիմնարկի «Հայաստան-Թուրքիայ» ծրագրի համակարգող Թալին Սիւզմենն նշեց, որ ցուցահանդէսը Կոստանդնուպոլիսի մէջ «Ակօս» թերթի նախկին խմբագրատան՝ անոր սպաննութեան վայրին մէջ հիմնուած Հրանդ Տինքի «23,5» կոչուած յուշավայրի քաղուածքն ու շարունակութիւնն է։

Leave a Reply