ՀՀ կրթութեան, գիտութեան, մշակոյթի եւ սպորտի նախարարի տեղակալ Արթուր Մարտիրոսեանն ընդունած է Հայաստանի Հանրապետութեան մէջ Ֆրանսիայի Հանրապետութեան արտակարգ եւ լիազօր դեսպան Անն Լույոյին:

Հանդիպման ներկայ գտնուած է նաեւ դեսպանի՝ մշակոյթի եւ համագործակցութեան հարցերով խորհրդական Գիոմ Նարժոլեն ու կրթական եւ համալսարանական հարցերով կցորդ Սելին Գերենը:

Հանդիպման ժամանակ քննարկած են հայ-ֆրանսիական օրակարգի շարք մը հարցեր, որոնցմէ՝ սոյն թուականի Մարտին Փարիզի մէջ Հայաստանի եւ Ֆրանսիայի միջեւ դիւանագիտական յարաբերութիւններն հաստատելու 30-ամեակին նուիրուած հայ-ֆրանսիական համագործակցութեան վերաբերեալ համաժողովի շրջանակին կրթութեան, մշակոյթի եւ երիտասարդութեան ոլորտներուն ձեռք բերուած պայմանաւորուածութիւններ կատարելու ընթացքը։  Հանդիպման ընթացքին քննարկած են նաեւ երկուստեք հետաքրքրութիւն ներկայացնող այլ հարցեր։

Leave a Reply