Շուեյցարիայի Ժնեւի շրջանի Թղուանէ համայնքին մէջ, հայ առաքելական Սուրբ Յակոբ եկեղեցիի եւ Հայկական կենտրոնի հարեւանութեամբ կատարուած է «Արմենիա» հրապարակի բացման հանդիսաւոր արարողութիւնը։ Այս մասին դիմատետրի էջին գրած է Շուեյցարիայի մէջ Հայաստանի դեսպանութիւնը։

«Միջոցառման ժամանակ ելոյթով հանդէս եկան Շուեյցարիայի մէջ Հայաստանի դեսպան Անդրանիկ Հովհաննիսեանը, Թղուանէի քաղաքապետ Գի Լավողելը, «Սուրբ Գրիգոր Լուսաւորիչ» հիմնադրամի նախագահ Տանիել Փափազեանը։ Դեսպան Հովհաննիսեանը, մասնաւորապէս, շնորհակալութիւն յայտնեց Թղունէի քաղաքապետին ու քաղաքային խորհուրդի անդամներուն, ինչպէս նաեւ հայ համայնքի այն ներկայացուցիչներուն, որոնց ջանքերու շնորհիւ բացուեցաւ «Արմենիա» հրապարակը»,- կ՛ըսուի գրառման մէջ։

Leave a Reply