Մայիսի 9-ը հայ ժողովուրդի պատմութեան մէջ մտած է որպէս անոր ազատատենչ ու աննկուն ոգի, խիզախումի ու սխրագործութեան, Հայրենիքի հանդէպ անսահման սիրոյ, նուիրուածութեան եւ անձնազոհութեան խորհրդանիշ։ Հայրենական մեծ պատերազմի տարիներուն մեր պապերը Խորհրդային Միութեան միւս ժողովուրդներու հետ միասին անձնուիրաբար պայքարեցին մարդկութեան դէմ ուղղուած մեծագոյն չարիքի՝ ֆաշիզմի դէմ։ Անոնց հերոսական աւանդոյթները շարունակած են յետագայ սերունդները՝ 30 տարի առաջ կամաւորական խումբերէն կազմաւորելով կանոնաւոր բանակ, յաջողութեամբ իրականացնելով Շուշիի ռազմագործողութիւնը եւ ազատագրելով հայոց հինավուրց բերդաքաղաքը։ Սակայն այսօր Շուշին կրկին գերութեան մէջ է, ինչպէս մեր հարիւրաւոր սրբավայրերն ու բնակավայրերը, որոնք կ՛ոչնչացուին եւ կ՛ենթարկուին վանդալիզմի Ատրպէյճանի կողմէ։ Անոնց նպատակն է վերացնել հայկական հետքն ու հայութեանը՝ ոտնահարելով միջազգային իրաւունքի բոլոր նորմերն ու սկզբունքները։ Այսօր Արցախի անվտանգութիւնը մեր Պաշտպանութեան բանակի հետ միասին կ՛ապահովէ ՌԴ խաղաղապահ զօրակազմը։ Մենք խորապէս երախտապարտ ենք մեր բարեկամներուն՝ արցախցիներուն կողքը ըլլալու  եւ աջակցելու համար։

Յաւե՜րժ փառք ու պատիւ հայրենիքի նուիրեալներուն։