Արեւմտեան Հայաստանի Տիգրանակերտ քաղաքի պատմական Սուր թաղամասին մէջ գտնուող Սուրբ Կիրակոս եկեղեցին, որը հայ համայնքի՝ Մերձաւոր Արեւելքին ամենամեծ եկեղեցին եղած է, 7 տարի ետք վերաբացուած է։

Պատարագը մատուցուած է Կոստանդնուպոլիսի Հայոց պատրիարք Սահակ Մաշալեանի մասնակցութեամբ։ Ծէսը սկսած է տարիներ ետք հնչող զանգերու ղողանջով:

Երկար տարիներ կիսավեր վիճակի մէջ գտնուող եկեղեցին հայ համայնքի ջանքերով եւ Տիգրանակերտի քաղաքապետարանի աջակցութեամբ վերանորոգուած եւ բացուած էր 2012 թուականին: Սակայն պատմական եկեղեցին կրկին փակուած է։

Սուրբ Կիրակոս հայկական եկեղեցին կառուցուած է 1376 թուականին։ Նախկին ժամանակ պատմական  Սուր գաւառի՝ մեծ թիւ հայերով բնակեցուած Ֆաթիհ փաշայ թաղամասին մէջ կառուցուած եկեղեցին հայերուն ծառայած է մինչեւ 1915 թուականի ցեղասպանութիւնը:

Leave a Reply