Իրանի մէջ ԵՈՒՆԵՍԿՕ-ի ազգային յանձնաժողովի գլխաւոր քարտուղարը, Սպահանի մէջ ԵՈՒՆԵՍԿՕ-ի ներկայացուցիչն ու այլ պաշտօնեաներ այցելած են Սուրբ Ամենափրկիչ վանքի Նոր Ջուղայի հայոց Ազգագրական թանգարան, «Յովսէփ Արիմաթացի» եկեղեցի եւ «Ներսէս Շնորհալի» գրադարան, ապա հանդիպած են Թեմական խորհուրդի հետ: Այս մասին  գրած է norjugha.ir կայքը։

Իրանի մէջ ԵՈՒՆԵՍԿՕ-ի ազգային յանձնաժողովի գլխաւոր քարտուղարը տեղեկութիւններ փոխանցած է Ս.Ամենափրկիչ վանքը ԵՈՒՆԵՍԿՕ-ի համաշխարհային ժառանգութեան ցուցակին մէջ ներառելու գործընթացի վերաբերեալ: Քննարկուած է նաեւ ԵՈՒՆԵՍԿՕ-ի համաշխարհային ժառանգութեան ցուցակին մէջ  Ս.Ամենափրկիչ Վանքը ընդգրկելու գործի ընթացքը եւ յոյս յայտնած են, որ այն հնարաւորինս շուտ իրականութիւն կը դառնայ։

Leave a Reply