Այս տարի հայկական մշակույթը Նիտերլանտներուն մէջ կը ներկայացուի աննախադէպ ձեւով։ Հայաստանի պատմութեան թանգարանի եւ Մայր Աթոռ Սուրբ Էջմիածնի մասունքներու եւ արժէքաւոր իրերու ցուցադրութիւնը նոր լոյս կը սփռէ պատմութեան խորքէն բխող հայկական մշակութային ժառանգութեան վրայ։

Ցուցահանդէսը մէկ անգամ եւս ցոյց  կուտայ եւ կը յիշեցնէ Հայաստանի եւ Նիտերլանտներու ժողովուրդներու միջեւ ջերմ ու պատմական բարեկամական յարաբերութիւնները։ Այն բաց է մինչեւ Հոկտեմբերի 30-ը: Ներկայացուած է 160 արժէքաւոր ցուցանմուշ՝ Հայաստանի պատմութեան թանգարանէն, Մայր Աթոռ Սուրբ Էջմիածնի Գանձարանէն: Ցուցադրուած է նաեւ Նոյան տապանի եզակի մասունքը:Նշենք, որ 17 եւ 18-րդ դարերուն Ամսդրտամը եղած է հայ տպագրութեան նշանաւոր կենտրոններէն մէկը, որտեղ 1660 թուականին հայ հոգեւորական եւ հրատարակիչ Մատթէոս Ծարեցին հիմնած է տպարան: 1666 թուականին հայ հոգեւորական Ոսկան Երեւանցին տպագրած է Աստուածաշունչի առաջին հայերէն տպագիր հրատարակութիւնը 5000 օրինակով: Հայ-հոլանտական վաղեմի փոխազդեցութեան մէկ այլ դրուագ այն է, որ հայ վաճառականները 16-րդ դարին Հոլանտիայի մէջ հիմնած են առեւտրային տուներ: Իսկ Ամսդրտամի հնագոյն կամուրջներէն մէկը այժմ կոչուած է «Հայկական կամուրջ»։

Leave a Reply