Ըստ Jnews-ի աղբիւրներու՝ Ուքրանիայի մէջ պատերազմի ընթացքին զոհուած է մոտ 30 ազգութեամբ հայ քաղաքացի, որոնց մեծ մասը խաղաղ բնակիչներ եղած են։ Նշենք, որ «Ուքրանիայի հայերու միութեան» ոչ պաշտօնական տուեալներու համաձայն՝ Ուքրանիայի մէջ կ՛ապրի մոտ 400 հազար հայ։ Չնայած այն հանգամանքին, որ այժմ այնտեղ պատերազմ է, ուքրանիահայերէն շատերը չեն լքած երկիրը եւ ամեն տեսակով կը փորձեն օգնել։ Պատերազմի 76-րդ օրուայ դրութեամբ Ուքրանիայի հայ համայնքը, ըստ անոր ներկայացուցիչներու հաղորդման, հաւաքած է աւելի քան 500 տոննա մարդասիրական օգնութիւն, համազգեստ, տեխնիկական եւ փոխադրամիջոցներ՝ չհաշուած տարածաշրջանային հայկական համայնքներու օգնութիւնը։ Ուքրանիային լայնածաւալ օգնութիւն կը տրամադրուի առանձին մարզային համայնքներու կողմէ։

Ուքրանիայի Գերագոյն Ռատայի նախագահ Ռուսլան Ստեֆանչուկը շնորհակալութիւն յայտնած է Ուքրանիայի հայերու միութեան «թշնամիին հակազդելու, խաղաղ բնակչութեանը եւ Ուքրանիայի զինուած ուժերուն օգնելու գործին նշանակալի աւանդի համար»։

Leave a Reply