ԱՄՆ պետքարտուղար Էնթոնի Բլինկենը հեռախօսազրոյց ունեցած է Ատրպէյճանի նախագահ Իլհամ Ալիեւի հետ՝ քննարկելու Հայաստանի եւ Ատրպէյճանի միջեւ բանակցութիւններու ընթացքը:  Այս մասին ան գրառում կատարած է «Թուիթեր»-ի էջին:

«Այսօր Ատրպէյճանի նախագահ Իլհամ Ալիեւին հետ խօսեցայ, թէ ինչպէս կարող է Միացեալ Նահանգները շարունակել աջակցիլ Ատրպէյճանի եւ Հայաստանի միջեւ խաղաղութեան բանակցութիւններու վերջին շրջանի դրական դինամիկային»,- գրած է ան:

Հեռախօսազրոյցի վերաբերեալ հաղորդագրութիւն տարածած է պետդեպը՝ նշելով, որ կողմերը քննարկած են նաեւ «յառաջիկայ հստակ քայլերը՝ ուղղուած Հարաւային Կովկասի մէջ խաղաղութեան հաստատմանը, ինչպէս նաեւ սահմաններու դելիմիտացիային ու դեմարկացիային, տրանսպորտային ու հաղորդակցման ուղիները բանալեւ եւ մնացած հայ ռազմագերիներու ազատ արձակուելու մասին: Պետքարտուղարը վերահաստատած է, որ ԱՄՆ-ն պատրաստ է աջակցելու՝ փոխգործակցելով երկկողմ հիմքով, ինչպէս նաեւ համախոհ գործընկերներուն հետ, այդ թիւին ԵԱՀԿ Մինսքի խումբի համանախագահի դերին՝ օգնելու երկիրներուն գտնել տեւական համապարփակ խաղաղութիւն»,- կ՛ըսուի պետդեպի յայտարարութեան մէջ: