Ատրպէյճանի նախագահ Իլհամ Ալիեւի յայտարարութիւնները Հայաստանի տարածքներու վերաբերեալ բացայայտ կեղծ է։ Այս մասին ըսած է ՀՀ ԳԱԱ պատմութեան համալսարանի տնօրէն, պատմական գիտութիւններու դոկտոր, ակադեմիկոս Աշոտ Մելքոնեանը։

Պատմաբանի խօսքով՝ ներկայի Ատրպէյճան կոչուած հանրապետութեան տարածքը կապ չունի պատմական Ատրպատականի՝ Իրանի հիւսիսային շրջաններուն հետ, որմէ թուրքերը պարզապէս գողցած են անունները՝ 1918 թ. այդ արհեստածին պետութիւնը ստեղծած ժամանակ: 

«Ուրեմն, Ատրպէյճանի Պաքու մայրաքաղաքէն սկսած՝ Ատրպատականի, Շաքիի, Շիրվանի, Արեւմտեան Հայաստանի՝ Մեծ Հայքի Ուտիք, Արցախ, Փայտակարան նահանգներու տարածքները՝ բոլորը եղած են հայանուն եւ հայաբնակ ու հայկական», – ընդգծած է Աշոտ Մելքոնեանը:

«Հատուկենտ թուրքեր տարածաշրջանին մէջ յայտնուած են միայն 9-րդ դարին, երբ արաբները վարձած են թուրք վարձկան-զինուորականներու, որոնց մէջ էր, օրինակ, յայտնի զօրավար Պուղան, որը 9-րդ արի կէսին արշաւեց Հայաստանի շրջաններով՝ ծանր պարտութիւն կրեց յատկապէս Արցախի՝ Քթիշ ամրոցին մէջ  (854 թ.) Եսայի Ապու Մուսէ իշխանէն»,- հաւելեց մասնագետը:

Leave a Reply