2020 թուականի Նոյեմբերի 9-ի եռակողմ յայտարարութեան արդիւնքին Ատրպէյճանի տիրապետութեան անցած Ազոխ գիւղին մէջ պղծած են Հայրենական պատերազմի եւ Արցախեան առաջին պատերազմի զոհերու յիշատակին նուիրուած յուշարձանը։ Տեսանիւթին եւ հրապարակուած լուսանկարներուն մէջ յստակ է, թէ ինչպէս  ատրպէյճանական կողմը գրաֆիտիներով պղծած յուշարձանը՝ խախտելով ժառանգութեան ամբողջականութեան եւ իսկութեան միջազգայնօրէն հաստատուած սկզբունքները։

Յիշեցնենք, որ Հաագայի 1954 թուականի «Զինուած բախումներու պարագային մշակութային արժէքներու պաշտպանութեան մասին» կոնվենցիայի 4-րդ յօդուածն արգիլած է վանդալիզմի, գողութեան, կողոպուտի կամ իւրացման ցանկացած գործողութիւն եւ բացարձակ արգելք կը դնէ մշակութային արժէքներու դէմ ուղղուած հաշուեհարդարի գործողութիւններու վրայ։ Ըստ Հաագայի 1999 թուականի երկրորդ արձանագրութեան, որը կը գործէ նաեւ ոչ միջազգային (էթնիկ) բախումներու պարագային, արգիլուած է ժառանգութեան հանդէպ թշնամանքի եւ հաշուեհարդարի ցանկացած գործողութիւն, իսկ այդպիսի արարքը ըստ 15-րդ յօդուածի կը համարուի որպէս միջազգային յանցագործութիւն։ Ըստ Ժնեւի 1949 թուականի Օգոստոսի 12-ի կոնվենցիայի առաջին արձանագրութեան 53-րդ յօդուածի`արգիլուած է մշակութային ժառանգութեան դէմ իրականացնել ցանկացած թշնամական գործողութիւն, ռազմական նպատակներով օգտագործել անոնք, կամ հաշուեհարդարի առարկայ դարձնել»:

https://t.me/ararathau/13271

Leave a Reply