Հայկեան Սրբազան Տոմարի Ահեկան ամսուայ Լուսնակ օր՝ Մայիսի 13  (այս տարի Մայիսի 12)

Մայր բնութեան տօն. Հովանաւոր՝ Անահիտ Դիցամայր

Արեգ ամսուայ Արեգ օրուայ (Մարտի 21) Ամանոր-Զատիկէն 54 օր ետք,  կը տօնեն տարուայ առաջին սատար տօնը, որը կը կոչուի Ծաղկազարդ:

Ծաղկազարդը մայր բնութեան ծաղկած արեգակնային անշարժ տօնն է: Տօնի արեւածագէն առաջ, կէսգիշերին արդեն երկնքի գագաթին կը յայտնուի Կոյսի համաստեղութիւնը, որը նաեւ յայտնի է Հասկ համաստեղութիւն, որը նոյնպէս Անահիտ Դիցամոր խորհրդանիշն է, եւ հետեւաբար տօնն իգական բնոյթ ունի:

Աւանդութեան համաձայն, տօնի նախորդ օրը, աղջիկներն առաւօտ կուժերո կ՛երթան եօթ աղբիւրէ եօթ բուռ ջուր, եօթ տեսակ ծաղիկ, եօթ ծառի տերեւ եւ եօթ առվակի քար կւ հաաքեն: Իսկ կէսգիշերին կուժերը դաշտի մէջ, կամ յետագային նեւ տան տանիքը բաց կը ձգէին երկնքի տակ՝ ի տես լուսնին եւ աստղերուն, որ անոնք իրենց մոգական զօրութիւնները փոխանցեն ջուրին:

Առաւօտ այդ ջուրէն մէկ կում կը խմեն, տան շեմին կը լեցնեն եւ մնացածը վիճակ կուժի մէջ կը լեցնեն: Բոլորն իրենց անձնական իրերէն կը նետեն այդ կուժի մէջ եւ ետքը վիճակ կը քաշեն: Օրուայ ընթացքին տուները կը զարդարեն ծաղիկներով, աղջիկները ծաղկէ պսակներ կրելով եւ Անահիտ Դիցամոր արձանը ծաղիկներով զարդարուած կը շրջին փողոցներով:

Ծաղկազարդը մեծ շուքով, ազգային երգ ու պարով կը տօնեն նաեւ Անահիտ Դիցամոր եւ Աստղիկ Դիցուհիի տաճարներուն մէջ:

Քուրմ Յարութ Առաքելեան

Leave a Reply