Բուխարեստի մէջ ընթացող բազկամարտի Եւրոպայի առաջնութեան Հայաստանը ներկայացնող Աշոտ Ադամեանը ոսկէ մետալ վաստակած է։
Հայ մարզիկը 65 կգ քաշային կարգի եզրափակիչ մրցաշարին յաղթած է ատրպէյճանցի Իսմայիլ Մուստաֆաեւին` 8-րդ անգամ դառնալով Եւրոպայի չեմպիոն։
60 կգ քաշային կարգին եւս յաղթանակը Հայաստանի հաւաքականինն է։ 17-ամեայ Արման Մրտէյեանը դարձած է Եւրոպայի եռակի չեմպիոն՝ նուաճելով 3-րդ ոսկէ մետալը՝ այս անգամ մրցելով արդեն մեծահասակներու մրցաշարին։ Մրտէեանը եզրափակիչին յաղթած է Թուրքիան ներկայացնող Օրհան Ույգունին։
Յիշեցնենք` բազկամարտի Եւրոպայի առաջնութիւնը, որուն մասնակցած են 27 երկիրներու մարզիկներ, մեկնարկած է Մայիսի 7-ին։
Արեւմտեան Հայաստանը կը շնորհաւորէ հայ մարզիկներուն եւ կը ցանկանայ նոր յաղթանակներ։