Մարտակերտի շրջանի Մոխրաթաղ գիւղին մէջ  կ՛ընթանան ասֆալտապատման եւ խմելու ջուրի ներքին ցանցը կառուցելու աշխատանքները: Ծրագիրն կ՛իրականացուի ԱՀ պետական բիւջէի միջոցներով, իսկ կապալառու ընկերութիւնը կը հանդիսանայ «Քարավան» ՍՊԸ-ն։ 

Այս պահի դրութեամբ ճանապարհի բոլոր հատուածներուն մէջ հողային աշխատանքներն աւարտուած են եւ ասֆալտապատման աշխատանքներ  կը կատարուին, որոնք, կախուած եղանակային պայմաններէն, պէտք է աւարտին հասցնեն մինչեւ ընթացիկ ամսուայ վերջ։ Երկրորդ փուլին նախատեսուած է ասֆալտապատել գիւղամիջեան ճանապարհը։