Genesis Armenia ուղեղային կենտրոն/հիմնադրամը 2022թ. Մայիսի 19-28-ը Արցախի մէջ կազմակերպած է մշակութային մեծ փառատօն, այդ շրջանին տեղի պիտի ունենայ թատերական ներկայացումներ, ֆիլմի ցուցադրութիւն, ազգային պարի դասեր, մշակութային քննարկումներ եւ ռազմահայրենասիրական մեծ համերգ:

«Արցախը կ՛ապրի» խորագիրով փառատօնի անմիջական հովանաւորը Genesis Armenia-ի հոգաբարձուներու խորհուրդի նախագահ Սամուել Վարդանեանը՝ տիկնոջ՝ Աննա Դադասեանի հետ։ Մշակութային փառատօնը տեղի պիտի ունենայ Արցախի հանրապետութեան պետնախարար Արտակ Բեգլարեանի բարձր հովանաւորութեամբ։ Փառատօնի նպատակը նոր շունչ տալ հետպատերազմական Արցախի մշակութային կեանքին, ամրապնդել հաւատը սեփական ուժերու նկատմամբ, նպաստել հոգեւոր արժէքներու զարթօնքին։

Մայիսի 19-24-ը Համազգային թատրոնի դերասանները կը գտնուին Ստեփանակերտ, Մարտակերտ, Մարտունի քաղաքներուն մէջ, Ճարտար եւ Աղաւնօ համայնքներուն մէջ, այնուհետեւ դերասանները հանդիպում-քննարկումներ կ՛ունենան պետական կառոյցներու, մշակոյթով հետաքրքրուած գործիչներու եւ հանդիսատեսի հետ։