ՀՀ յատուկ յանձնարարութիւններով դեսպան Էտմոն Մարուքեանը Հանրային հեռուստաընկերութեան եթերին խօսած է այն մասին, թէ վարչապետ Նիկոլ Փաշինեանն ինչ գաղտնիքի մասին ուզած էր խօսիլ Ազգային ժողովին օրեր առաջ, երբ «Հայաստան» խմբակցութեան պատգամաւոր Արմեն Ռուստամեանը Նիկոլ Փաշինեանին ներկայացուց  հրաժարականի հանրային պահանջը, անկէ ետք ընդդիմադիր պատգամաւորները լքեցին նիստերու դահլիճը։ Ըստ Էտմոն Մարուքեանին՝ վարչապետը այդ ժամանակ ուզած է ըսել, որ երբ 2007 թ․ Հայաստանը համաձայնած է Մատրիտիան սկզբունքներուն, անով Հայաստանը առ ոչ մէկ բան չէ ճանաչած Արցախի 1991թ․ հանրաքուէն, որու միջոցով Արցախը անկախութիւն հռչակած է, քանի որ Մատրիտիան սկզբունքներով արդեն նոր հանրաքուէի մասին պայմանաւորուածութիւն էր ձեռք  բերվում։ 

«1991–էն մինչեւ 2007 թուականը կ՛ենթադրուի, որ Հայաստանի դիւանագիտութիւնը պէտք է լծուած ըլլար Արցախի անկախութեան ճանաչման գործընթացին։ Այդ բանակցութիւններու ընթացքին 16 տարի ետք մենք կ՛ընդունինք եւ նաեւ կ՛ըսուի, որ մենք առաջարկած ենք Մատրիտիան սկզբունքները, որով ըստ էութեան, անվավեր՝ առ ոչ մէկ բան չէ ճանաչուած Արցախի մէջ իրականացուած հանրաքուէն, նոր հանրաքուէի մասին պայմանաւորուածութիւն ձեռք բերուած է, որուն պէտք է մասնակցին նաեւ ատրպէյճանցիներ այն նոյն համամասնութեամբ, որը եղած է ԽՍՀՄ–ի ժամանակ։ Մինչդեռ 91-ի հանրաքոիէի ժամանակ նաեւ կազմակերպուած իրաւական հենք ստեղծուած է․ ատրպէյճանցիները չեն ցանկացած մասնակցիլ այդ հանրաքուէին, ոչ թէ մենք չենք իրենց թոյլ տուած, այլ չեն ցանկացած եւ անոր արդիւնքին նաեւ յարձակումներ գործած են։ Այսինքն՝ 16 տարուայ աշխատանքը ջուրը լեցուած է։  Էտմոն Մարուքեանը յիշեցուցած է, որ այդ ժամանակ կոալիցիոն կառավարութեան մէջ եղած են ՀՅԴ–ն, Ռոբերտ Քոչարեանը եղած է նախագահը, Սերժ Սարգսեանն ալ իշխանութեան մէջ եղած  է եւ առանցքային դերակատար եղած է։ Ան հաւելած է, որ ի վերջոյ Ատրպէյճանը չէ համաձայնած նաեւ Մատրիտիան սկզբունքներուն։ «Բայց մենք մեր կողմէ մեր կատարած հանրաքուէն համարա՞ծ ենք առ ոչինչ, մենք մեր կողմէ Արցախի ժողովուրդի հանրաքուէով հռչակուած անկախութիւնը դարձրա՞ծ ենք քննարկման առարկայ։ Այս մասին էր խօսքը, որ չթողեցին վարչապետն ըսէ։ Ես վստահ եմ՝ վարչապետն աւելի լաւ կը ձեւակերպի այս ամենը, քանի որ այսքան տարի ներգրաւուած է բանակցութիւններուն, ամեն մանրուքէ տեղեակ է։ Միտքը այս էր, բայց չթողեցին ըսէ, որովհետեւ իրենց ձեռնտու չէր»,– ըսած է Մարուքեանը։

ՀՀ յատուկ յանձնարարութիւններով դեսպանը նաեւ մեղադրած է Արցախի խորհրդարանին։ Ան նշած է, որ 2007-ին, երբ Հայաստանը համաձայնած էր Մատրիտիան սկզբունքներուն, ինչու Արցախի խորհրդարանը նիստ չէ կատարած, յայտարարութիւն չէ ընդունած եւ չէ արտայայտուած իր անհամաձայնութիւնը։ Իսկ երբ վարչապետն ըսաւ, որ միջազգային հանրութիւնը մեզ կ՛ըսէ, որ եթէ Արցախի կարգավիճակի հարցով նշաձողն իջեցնեք, ապա միջազգային մեծ կոնսոլիդացիա կապահովեք, այսինքն՝ վարչապետը մեջբերած է միջազգային հանրութեան ըսածը։ Այս պարագային Արցախի ազգային ժողովը յայտարարութիւն ընդունած է եւ վարչապետի յայտարարութիւնը կը որակէ աղետալի։