Ֆրանսիայի Մոնպելիէ քաղաքին մէջ տեղի ունեցած է Հայաստանի զբօսայգիի բացման հանդիսաւոր արարողութիւն։ Այս մասին տեղեկացանք Ֆրանսիայի մէջ Հայաստանի դեսպանութեան դիմատետրի էջէն։  Մոնպելիէի քաղաքապետարանին հարող ընդարձակ զբօսայգին անուանակոչեցին Հայաստանի անունով՝ ի նշան հայ-ֆրանսիական բարեկամութեան։  Այգիի բացումը կատարուեցաւ Մոնպելիէի քաղաքապետ Միքայել Դըլաֆոսի եւ Ֆրանսիայի մէջ Հայաստանի դեսպան Հասմիկ Տոլմաճեանի կողմէ։ Ելոյթներով հանդէս եկան Մոնպելիէի քաղաքապետը, Ֆրանսիայի մէջ Հայաստանի դեսպանը, Մոնպելիէի Հայկական ընկերակցութեան հիմնադիր եւ պատուավոր նախագահ, Մոնպելիէի Պոլ-Վալերի համալսարանի պրոֆեսոր Ժերար Դեդեյեանը: Ելոյթներուն յաջորդեց մշակութային ծրագիր, այդ ընթացքին հնչեց Եղիշէ Չարենցի բանաստեղծութիւնները, Շառլ Ազնաւուրի եւ շարք մը այլ հայ հեղինակներու երգեր՝ Մոնպելիէի Հայկական ընկերակցութեան դպրոցի երեխաներու կատարողութեամբ, ինչպէս նաեւ տուտուկով կատարումներ ու հայկական ազգագրական պարեր՝ Ֆրանսահայ Երիտասարդաց Միութեան ներկայացուցիչներու մատուցմամբ։