Արեւմտեան Հայաստանի Տիգրանակերտի հայկական Սուրբ Կիրակոս եկեղեցին 7 տարի ետք մեծ շուքով վերաբացուեցաւ, բացման մասնակցելու համար հաւաքուած էին հայրենիքէն տեղահանուած ու աշխարհով սփռուած Տիգրանակերտի հայերը։

Ոմանք, որ իրենց մանկութիւնն ու պատանեկութիւնն անցուցած են Տիգրանակերտի մէջ, 50 տարի ետք առաջին անգամ եկեծ են հայրենի քաղաք, ոմանք՝ 25 տարի ետք։ Սակայն այն տուները, որտեղ անոնք ծնած ու մեծցած են, հողին հաւասարեցուցած են, իսկ  նեղ փողոցները արդեն ջնջուած են իրենց յիշողութիւններէն։ Եկեղեցւոյ բացումը մէկ վայրի մէջ հաւաքուած հայերու համար թէ ուրախութիւն է թէ թարմացնող՝ տխրութիւն, ցաւ ու յիշողութիւններ։ Սուրբ Կիրակոս եկեղեցւոյ գաւիթին մէջ հաւաքուած հայերը հին օրերու կարօտով՝ իրար կը պատմէին  իրենց անցած  փորձութիւններու մասին։