Թանգարաններու միջազգային օրուայ նուիրուած միջոցառումները կը շարունակուին մինչեւ Մայիսի 21-ը՝ «Թանգարաններու գիշեր» համաեւրոպական միջոցառումով, միացած է նաեւ Հայաստանի եւ Արցախի 125 թանգարան:

Մայիսի 18-ին Ստեփանակերտի մշակոյթի եւ երիտասարդութեան պալատին մէջ տեղի ունեցաւ «Հադրութ. բռնազաւթուած յուշարձաններ» խորագիրով ցուցահանդէսը: Լուսանկարներուն մէջ Ատրպէյճանի կողմէ զինագրաւուած Հադրութի տարածքին գտնուող մեր հրաշալի յուշարձաններն են:

Շնորհաւորելով թանգարաններու աշխատողներուն՝ ԱՀ ԿԳՄՍ նախարար Անահիտ Հակոբեանն իր խօսքին մէջ նշեց, -«Այս նկարներուն մէջ մենք կը փորձենք վերագտնել մեր յուշերը, արժէքները, կորսուած տարածքները: Լեցուինք յոյսով ու հաւատանք, որ օր մը կը վերականգնենք մեր տարածքները՝ իրականացնելով մեծ Հայաստանի մէջ ապրելու մեր երազանքը»: