Կոստանդնուպոլիսի ՝՝Պատմական թերակղզի՝՝ կոչուած վայրին մէջ, հայազգի հանրաճանաչ ճարտարապետ (Միմար) Սինանի կառուցած Այակապը բաղնիքը նախկին ժամանակ բազմիցս հանած են վաճառքի, սակայն մինչեւ օրս գնորդ չէ գտնուած։

1582 թուականին Սուլթան Մուրատ III-ի մոր՝ Նուր Պանու Սուլթանի պատուերով  վարպետ ճարտարապետի կողմէ կառուցուած բաղնիքի (համամ) անխնամ վիճակը մտահոգած է պատմութեան եւ մշակոյթի սիրահարներուն։ Այս գեղեցիկ կառոյցը վերջին շրջանին օգտագործուած է որպէս  արտադրամաս եւ պահեստ, ինչպէս նաեւ՝ խանութ։

Յիշեցնենք, որ հայազգի «Մեծ ճարտարապետ Սինան աղան», ինչպէս իրեն կոչած են ժամանակակիցները,  օսմանեան ճարտարապետութեան շրջանի ամենամեծ ճարտարապետն , որուն կը համեմատէին  Միքելանջելոյի հետ։