ԱՀ ԱԺ նախագահ Արթուր Թովմասեանը Մայիսի 23-ին Երեւանի մէջ  հանդիպած է ՀՀ-ի մէջ ԱՀ կառավարութեան օպերատիվ շտապի պէտ Միքայել Վիրապեանի եւ այդ պահին շտապի մէջ գտնուող տեղահանուած շրջաններու տարբեր խումբերու հետ: Արթուր Թովմասեանը մտահոգութիւն յայտնած է թշնամիի վերահսկողութեան տակ գտնուող շրջաններուն եւ ենթաշրջաններուն իւրայատուկ աւանդոյթներու ու մշակութային տարատեսակ շերտերու յետագայ ճակատագրի առումով՝ խիստ կարեւորելով այդ արժէքներու պաշտպանութիւնը։ Ոչ հեռաւոր անցեալին նման խնդիր ծառացած էր Շահումեան-Գիւլիստանի մշակութային արժէքներու պահպանութեան առումով, իսկ այժմ կանգնած ենք Հադրութ-Դիզակի նիւթական եւ ոչ նիւթական ժառանգութեան պահպանման խնդիրի առջեւ։

Միքայել Վիրաբեանը նշած է, որ ամեն կերպ կը ձգտին ուշադրութեան կենտրոնին պահել ՀՀ-ի մէջ ապրող տեղահանուած արցախցիներու շրջանին մատաղ սերունդի ազգային-մշակութակրթական դաստիարակութիւնը եւ համակողմանի աջակցութիւն կը ցուցաբերեն այդ գործընթացին: