Արեգի Սուրբ Աստուածածին եկեղեցին կը գտնուի Արեւմտեան Հայաստանի Կարին նահանգի Արեգ գաւառին մէջ։

Վանքը ունի երկու անուն, առաջինը՝ «Գետահայաց», այս անուանումը ստացած է այն պատճառով, որ եկեղեցիին կից կը հոսէր Օրոր գետը։ Երկրորդ անունը՝ «Բարձր Աստուածածնի վանք», կապուած է անոր կառուցման վայրի հետ․ այն կառուցուած է բարձրադիր տեղ։

Ըստ աւանդութեան, վանքը հիմնադրած է Թադեոս առաքեալը։ Սակայն Կ.Պոլիսի Հայոց պատրիարքարանը կը ներկայացնէ տեղեկագիր օսմանեան իշխանութիւններուն, որ վանքը հիմնադրուած է 1447 թուականին։

Վանքին մէջ կրկնօրինակուած մի քանի ձեռագրերէն պարզ դառնցած է, որ 16-18-րդ դարերու ընթացքին վանքը եղած է կրթական կենտրոն եւ  ծառայած է առաջնորդանիստ։

1898 թուականին «Արեւելք» թերթը անդրադարձած է այս վանքին՝ գրելով, որ վանքը կը գտնուի անտեր վիճակի, որու հարակից հողատարածքները տնօրինած են պատահական մարդիկ։ Տրդատ եպիսկոպոս Պալեանը, 1901 թուականին յիշատակելով  այս վանքի մասին՝ ցաւօվ արձանագրած է, որ իրեն չէ յաջողուած ստոյգ տեղեկութիւններ ստանալ վանքի ներկայի վիճակի մասին։