Արցախի Հանրապետութեան իշխանութիւններու վերաբերմունքը տարբեր ձեւաչափերով ընթացող բանակցութիւններուն եւ քննարկումներուն մէջ Արցախի Հանրապետութեան եւ Արցախի ժողովուրդի ճակատագիրի վերաբերեալ հնչեցուող յայտարարութիւններուն միանշանակ է եւ արտայայտուած է մի քանի անգամ Նախագահի ու Ազգային ժողովի կողմէ։

Յիշեցնենք 2021 թուականի Դեկտեմբերին Նախագահ Հարութունեանի հրապարակած դրոյթներէն մի քանին՝

1. Արցախահայութեան ինքնորոշման իրաւունքի լիարժէք ճանաչումը որեւէ վերապահելու եւ զիջելու ենթակայ չէ։ Այդ հարցի բացառիկ տէրը Արցախի ժողովուրդն է։

2. Արցախի Հանրապետութեան անկախութեան միջազգային ճանաչումը իշխանութիւններու ուղենիշը կը մնայ։ Ատրպէյճանի կազմին որեւէ կարգավիճակ անընդունելի է։

3․ Ոչ միայն կարգավիճակի, այլեւ ժողովրդագրական առումով վերադարձն անցեալին անընդունելի է։ Արցախի Հանրապետութիւնն ունի իր տարածքային ամբողջականութիւնը վերականգնելու խնդիր։

Արցախի իշխանութիւնը կը կառուցէ եւ կ՛իրականացնէ Արցախի Հանրապետութեան անկախութեան հռչակագրին եւ մայր օրէնքին համապատասխան՝ համագործակցելով բոլոր գործընկերներուն հետ։