ՌԴ ԱԳՆ-ն կրկին վրդովված արձագանքած է Պրիւքսելի մէջ Միշել-Փաշինեան-Ալիեւ բանակցութիւններուն։ Նախորդ անգամ ՌԴ ԱԳՆ-ն յայտարարեց, թէ Պրիւքսելը կը ցանկանայ իւրացնել Ռուսաստանի ջանքերով սկսած գործընթացը: Պրիւքսելի եւ Մոսկուայի «ձեւաչափերուն մէջ» քննարկուած են նոյն խնդիրները, մէկ բացառութեամբ՝ Արեւմուտքը՝ ԱՄՆ-ն եւ Եւրամիութիւնը նշած են, որ Արցախեան հիմնախնդիրը կարգաւորուած չէ եւ կ՛ընդունին Արցախի ժողովուրդի իրաւունքները, սակայն մոսկովեան ձեւաչափով այդ մասին խօսք չիկայ եւ չ՛ըլլար՝ ՌԴ բարձրագոյն ղեկավարութիւնը յայտարարած է, որ Արցախի հարցը լուծուած է եւ կարգավիճակի խնդիր չկայ։  

Ռուսաստանի արձագանքն անկասկած կապուած է Կովկասի մէջ մենաշնորհը կորսնցնելու եւ ամենակարեւորը՝ Հայաստանին դէմ առ դէմ կանգնելու հանգամանքի հետ։ Քարագլուխի իրադարձութիւններէն եւ Լաւրովի խօստովանութենէն ետք, որ չեղարկուած ՄԽ-ի մէջ ԱՄՆ-ն ու Ֆրանսիան պաշտպանած էին հայկական շահերը, Ռուսաստանը այլեւս չի կարող թաքնուիլ Պաքուի թիկունքին։ Իսկ Կովկասի իրավիճակը կախուած չէ Ռուսաստանէն այն պահէն, երբ Հայաստանի դէմ սանձազերծուեցաւ թուրքերու հետ համատեղ օպերացիան։