Եկեղեցիներու համաշխարհային խորհուրդի (ԵՀԽ) հայաստանեան Կլոր սեղան հիմնադրամի հրաւերով Հայաստանի մէջ գտնուող ԵՀԽ պատուիրակութիւնը Մայր Աթոռ Սուրբ Էջմիածնի մէջ հանդիպած է Հայ Առաքելական Եկեղեցւոյ Արցախի թեմի առաջնորդ Տ. Վրթանէս եպիսկոպոս Աբրահամեանի հետ:
Կազմակերպութեան ներկայացուցիչները Հայաստանի մէջ են «Արդարութեան եւ խաղաղութեան ուխտագնացութիւն» առաքելութեան շրջանակին:
Հանդիպման մեկնարկին ԵՀԽ հայաստանեան Կլոր սեղան հիմնադրամի գործադիր տնօրէն Կարէն Նազարեանը ներկայացուցած է 2020թ. 44-օրեայ պատերազմի հումանիտար աղետալի հետեւանքները, ներկայ իրավիճակն Արցախի մէջ եւ Ատրպէյճանի իրագործած պատերազմի յանցանքներն ու մշակութային-կրօնական կոթողներու աւերածութիւնները պատերազմի ժամանակ:
Նշուած է, որ պատուիրակութեան ներկայացուցիչներն կարեւորած են Արցախի բնակչութեան ներկայ սոցիալ-հոգեբանական վիճակը:
Վրթանէս եպիսկոպոս Աբրահամեանը ըսած է, թէ որպէս հոգեւորական՝ հիասթափուած է միջազգային հանրութեան արձագանքէն՝ Արցախի պատերազմին: Պատուիրակութիւնը պիտի այցելէ Հայերու ցեղասպանութեան յուշահամալիր, մասնակցելու Սրբազան Պատարագի՝ Երեւանի Սբ. Գրիգոր Լուսաւորիչ Մայր եկեղեցւոյ մէջ: