Ատրպէյճանը անաղմուկ եւ մանր քայլերով կը նուաճէ Սիւնիքի մարզը՝ նոր տարածքներ վերցնելով փաստացի իր ԶՈՒ վերահսկողութեան տակ։ Այս մասին Թելեկրամի ալիքին գրած է պատմական գիտութիւններու թեկնածու,  թուրքագետ Վարուժան Գեղամեանը:

Ան, մասնաւորապէս, նշած է. «Զուգահեռ այնտեղ կը կատարուի ամրաշինական աշխատանքներ՝ հիմք ստեղծելով յաջորդական յարձակումներու համար։ Ատրպէյճանի նախագահ Ի. Ալիեւն ու Թուրքիայի նախագահ Ռ. Թայիփ Էրդողանը ամենօրեայ ընթացքով անթաքոյց կերպով կը խօսի Հայաստանի Հանրապետութեան սուվերեն տարածքի հանդէպ իրենց հաւակնութիւններու մասին՝ հետապնդելով վերացնել հայկական պետականութիւնը։

Այս փաստացի պատերազմական գործողութիւններուն ի պատասխան ՀՀ դե ֆակտո իշխանութիւնը դիմած է «միջազգային հանրութիւն» գոյութիւն չունեցող կողմին, որպէսզի  «գնահատական» տան Ատրպէյճանի թշնամական գործողութիւններուն եւ կրկին խօսին «զօրքերու հայելային հետքաշում» անհեթեթութեան մասին, որու պատճառով մենք արդեն կորսնցուցած ենք նոր բնակավայրեր 2020 թ. Նոյեմբերէն ետք։