Պաքուի մէջ Մեծ Բրիտանիայի դեսպան Ճեյմս Շարփը BBC-ի ատրպէյճանական ծառայութեան հետ ունեցած հարցազրոյցի ժամանակ ըսած է, որ Լոնտոնը կը գերադասեր Արցախի մէջ բազմազգ խաղաղապահ ուժեր տեսնել, այլ ոչ թէ բացառապէս ռուսական, որ հրադադարի բանակցութիւնները վարեր ԵԱՀԿ Մինսքի խումբը։

Դեսպանն ըսած է, որ  Արցախի կարգավիճակը կը շարունակուի մնալ չլուծուած։ 

«Ի վերջոյ, վերջնական կարգաւորման, խաղաղութեան պայմանագիրի հարցերը պէտք է լուծուին, եւ Մինսքի խումբի համանախագահները պէտք է անոր մէջ դեր խաղան», ըսած է Շարփը։

Այսպիսով, Մեծ Բրիտանիան  կը միանայ Մինսքի խումբի համանախագահներ ԱՄՆ-ին եւ Ֆրանսիային, որոնք ռուս-թուրքական համաձայնութիւնները եւ եռակողմ յայտարարութիւնը չեն ընդունիր որպէս կարգաւորում։

Ռուսաստանը Մինսքի խումբի, ՄԱԿ-ի եւ այլ կառոյցներու դերը կը տեսնէ բացառապէս հումանիտար հարցերուն մէջ, բացառելով քաղաքական բաղադրիչը: Ռուսաստանը չի դшտապարտերլ եւ չի պահանջեր թուրքերու դուրսբերումը Հայաստանի տարածքէն։ Ըստ էութեան, Ֆրանսիան, ԱՄՆ-ն ու Մեծ Բրիտանիան արձանագրած են  այս հանգամանքը, համարելով, որ ռուս-թուրքական համաձայնութիւններն ագրեսիա են Հայաստանի դէմ: