Արցախի ԿԳՄՍՆ Զբօսաշրջութեան վարչութեան պէտ Գեւորգ Առաքելեանը ներկայացուցած է Արցախի զբօսաշրջութեան ոլորտի այժմեան հիմնական ուղղութիւններն ու դժուարութիւնները։

Պատերազմէն ետք Արցախի մէջ զբօսաշրջիկներու համար կազմուած է անվտանգ վայրերու յատուկ ցանկ։

«Տարածքներու կորուստի հետ կորսնցուցինք  նաեւ արդեն կայացած զբօսաշրջային վայրերը՝ իրենց ենթակառուցուածքով, ճանապարհներով։ Այդ պատճառով աւելի ուշադրութիւն պիտի դարձնենք գիւղական քայլարշաւներուն, քանի որ նշուած ճանապարհներով ոչ բոլոր եքենաները կարող են անցնիլ»,- ըսած է Առաքելեանը։ Օրինակ՝ հիւսիսի մէջ Վանք գիւղը՝ Գանձասարի վանքով, «Դարպասներ» կոչուած պալատ-ամրոցով, որը Հասան-Ջալալեան իշխաններու տոհմական ապարանքն է, Ծմակահող գիւղը, Քոլատակը, Ծաղկաշատ գիւղը, Արծուաշենը՝ իր յայտնի «աստղիկներով» եւ այլն։ Հարաւի մէջ  զբօսաշրջային ուղղութիւններէն են Ամարասի վանքը, Տնջրի ծառը, Բովուրխանի վանքը։

Մինչեւ պատերազմն սկսիլը Արցախ այցելած են նաեւ ԱՄՆ, Ֆրանսիայի, Գերմանիայի, Լեհաստանի, Չինաստանի քաղաքացիներ։  Պատերազմէն ետք Արցախի օտարերկրեայ այցելուները հիմնականը հայկական ծագում ունեցողներն են՝ տարագիր հայերը, ինչպէս նաեւ ՌԴ քաղաքացիները։