ՀՀ կրթութեան, գիտութեան, մշակոյթի եւ մարմնակրթութեան նախարարութիւնը հանրային քննարկման ներկայացուցած է «Ժողովրդական երաժշտութեան եւ պարի ազգային կեդրոն» ՊՈԱԿ կազմակերպելու մասին» ՀՀ կառավարութեան որոշման նախագիծը:

«Ժողովրդական երաժշտութեան եւ պարի ազգային կեդրոն» անուանմամբ ստեղծուելիք նոր ՊՈԱԿ-ի կազմին մէջ պիտի համախմբուին հայկական ժողովրդական արուեստը ներկայացնող երաժշտական եւ պարային խումբերը:

Ինչպէս նշած է կրթութեան, գիտութեան, մշակոյթի եւ մարմնակրթութեան նախարարի տեղակալ Արա Խզմալեան՝ «Փոփոխութիւններն ուղղուած են ոչ թէ թոյլցնելու, այլ ընդհակառակը՝ ուժեղացնելու համակարգը: 

«Մենք կ’ուզենք, որ ժողովրդական արուեստը երիտասարդութեան շրջանին մէջ ըլլայ պահանջուած ոլորտ, վերականգնէ իր հանրային վարկանիշը, հնչէ ամէնուր»,- ըսած է Ա. Խզմալեան՝ իրազեկելով, որ երկու ամիս պիտի իրականացուի Եարխուշտայի փառատօնը, որուն նպատակը, ի թիւս այլ ծրագիրներու, ժողովրդական երաժշտութեան եւ պարի ոլորտը ռազմավարական կարեւորութեան դաշտ բերելն է:

Արեւմտեան Հայաստանը կ’ողջունէ այս նախաձեռնութիւնը, քանի որ այս մենք կը դիտարկենք որպէս Արեւմտեան Հայաստանի արուեստը պահպանելու քայլ, որովհետեւ այն ինչ կը ներկայացուի, Ցեղասպանութեան տարիներուն եկաւ Արեւելեան Հայաստան, ձեւաւորուեցաւ տեղի մշակոյթը։