Սուրիոյ նախագահ Պաշշար Ալ Ասատի հրամանով սուրիական զինուած ուժերը մտած են երկրի այն շրջանները, որոնց նկատմամբ վերահսկողութիւնը կորսնցուցած էր գրեթէ մէկ տասնամեակ առաջ։

Վերջին տեղեկութիւններուն համաձայն՝ Սուրիոյ կանոնաւոր բանակի լրացուցիչ ուժերը մտած են Մունպուճ, Թէլ Ռիֆաաթ եւ Արաբունար քաղաքները, զորս թրքական բանակը կը նախատեսէ ամբողջութեամբ մաքրել PKK-էն։ Այս քաղաքներուն վրայ արդէն կը ծածանին Սուրիոյ պետական ​​դրօշները։

Սուրիական բանակի զինուորներն ու ծանր տեխնիկան դիրքեր գրաւած են PKK-ի մարտիկներուն կողքը Արաբունարի շրջակայքը գտնուող բարձունքներուն վրայ։ Կը հաղորդուի նաեւ, որ Թուրքիոյ զինուած ուժերը մարտական ​​պատրաստութեան վիճակի մէջ կը գտնուին շփման գիծի երկայնքով։

Այս պահուն Պաշշար Ալ Ասատի ստորաբաժանումները տեղակայուած են այն թաղամասերուն մէջ, որոնք թրքական բանակի, ինչպէս նաեւ Անգարայի կողմէ աջակցուող «Սուրիոյ ազգային բանակ»ի թիրախն են։