Թուրքիա բանակցութիւններով կը փորձէ  ճնշում գործադրել Հայաստանի վրայ, որպէսզի Հայաստան համաձայնի ստորագրել փաստաթուղթ մը, ուր  գրուած պիտի ըլլայ, որ Արցախը պիտի անցնի Ատրպէյճանի տարածքին մէջ: Այս մասին ըսած է թրքագէտ Ռուբէն Սաֆրաստեան։

«Այս երկկողմ համաձայնութիւնները, որ ձեռք բերուած են, ես կը գնահատեմ որպէս նոր հանգրուանի սկիզբ: Երկրորդ հանգրուանին անցում կատարելու նախաձեռնութիւնը կու գայ  Թուրքիայէն: Թուրքիա երկու նպատակ ունի: Առաջինը` Թուրքիոյ համար կարեւոր է, որ Հայաստան մնայ բանակցային գործընթացին մէջ, որպէսզի ցոյց տրուի, թէ բանակցային գործընթացին մէջ շարժ կայ: Երկրորդը`  Թուրքիա Հայաստանի հետ բանակցութիւններու մէջ մտնելով կը լուծէ ոչ թէ սահմանը բանալու, կամ դիւանագիտական յարաբերութիւններ հաստատելու խնդիրը, այլ որ Հայաստան համաձայնի ստորագրել  փաստաթուղթ մը, ուր գրուած պիտի ըլլայ, որ Արցախը պիտի անցնի Ատրպէյճանի տարածքին մէջ: Ես կը կարծեմ` ներկայ հանգրուանին Թուրքիա կը լուծէ այդ խնդիրը եւ անոնք պիտի փորձեն հնարաւորինս երկարաձգել բանակցային գործընթացը, որպէսզի համընթաց ճնշում գործադրեն Հայաստանի վրայ»,- ըսած է ան:

Արեւմտեան Հայաստանը չի կրնար ընդունիլ որեւէ յարաբերութիւններու կարագաւորում, քանի դեռ բռնազաւթուած են Արեւմտեան Հայաստանի տարածքները եւ բնիկ հայերը չեն կրնար վերադառնալ իրենց հայրենիքը։  Արցախը ընդհանուր Հայաստանի մէկ մասն է եւ ոչ մէկ պարագայի կրնայ անցնիլ Ատրպէյճանի կազմին մէջ։