Հայաստանեան 5 կազմակերպութիւն զեկոյց ներկայացուցած է ՄԱԿ–ի կոմիտէին Ատրպէյճանի կողմէ հայերու դէմ ցեղային խտրականութեան վերաբերեալ:

«Արմէնօֆոպիայի, հայերու դէմ ատելութեան խօսքի պետական քաղաքականութիւնն Ատրպէյճանի բարձրաստիճան պաշտօնատար անձերու կողմէ, հայկական մշակութային եւ կրօնական ժառանգութեան հայկականութեան դէմ պետական քարոզարշաւը, հայերու դէմ ցեղային ատելութեան դրդապատճառներով յանցագործութիւններու բացարձակ անպատժելիութիւնը, ներառեալ անձերու կենդանութեան ժամանակ գլխատումները եւ խոշտանգումները, յանգեցուցած են հայերու դէմ ատելութեան հիմքով յանցագործութիւններու աճի Արցախի մէջ 2020 թուականի պատերազմի ընթացքին եւ անկէ ետք։ Վերոնշեալ օրինակներն ու իրադարձութիւնները ցոյց կու տան, որ Ատրպէյճանի մէջ գոյութիւն ունի ցեղային ատելութեան եւ ծագումով հայերու նկատմամբ խտրականութեան պետական քաղաքականութիւն, որ սրուած է յատկապէս Լեռնային Ղարաբաղի հակամարտութեան իրադրութեան մէջ եւ 2020 թուականի պատերազմէն ետք»,- ըսուած է քաղաքացիական հասարակութեան 5 կազմակերպութիւններու պատրաստած զեկոյցին մէջ։