Արեւմտեան Հայաստանի Հաքքարի նահանգի Եուքսէքովա գաւառին մէջ գտնուող Ճիլօ լերան ստորոտը թափող Օրշէ ջրվէժը իր գեղեցկութեամբ կը հիացնէ այցելուները։

«Բնապահպանական հարթակ» լեռնագնացութեան եւ մարմնակրթութեան միութեան անդամները, որոնք գործունէութիւն կը ծաւալեն Եուքսէքովայի շրջանին մէջ, այցելած են 4 հազար մեթր բարձրութեան վրայ գտնուող ջրվէժը։ Միութիւնը գաւառին մէջ կ’իրականացնէ  բնութեան եւ բնապահպանութեան ուսումնասիրութեան հետ կապուած գործունէութիւն եւ այս ոլորտին մէջ ամէն շաբաթ շրջագայութիւններ կը կազմակերպէ՝ հանրութիւնը ծանօթացնելով գաւառի տեսարժան վայրերուն հետ։

Իր կուսական բնութեամբ լեռնագնացներու ուշադրութեան կեդրոնը գտնուող տարածաշրջան այցելած 35 բնասէրներ այս անգամ ներկայացուցած են  Օրշէ ջրվէժը, որ Եուքսէքովայի թաքնուած դրախտն է։